Предавање или презентација?

Во изминатиот петок бев на еден настан организиран за пчеларите од страна на раководството на скопското пчеларско здружение.<br /> <br /> Тоа здружение е она на кое јас му припаѓам - барем ментално.<br /> <br /> Во пракса, многу повеќе од изминативе години јас не сум ја платил годишната членарина отколку што сум бил “член“.<br /> <br /> За тоа “семејство“ од пчелари, особено за раководствата кои долги години биле “на власт“, со мали исклучоци, јас сум бил и сум останал “бунтовник“ без причина.<br /> <br /> Искрено кажано, премногу работи не ми се допаѓаат во раководењето со здружението, така што, за да не се нервирам и, како што ми се случувало понекогаш, да не избувнувам, и да не им го “бранувам“ мирот на останатите, кои се пасионирани посетувачи на редовните неделни собири што ова здружение ги организира, јас не одам веќе на тие состаноци.<br /> <br /> Имало години кога не сум бил буквално на ниту еден состанок.<br /> <br /> Сепак, не може да одбегнам а да не контактирам со по некој “редовен доаѓач“ на овие состаноци на здружението “Матица“ (така се вика), кое патем кажано, поинаку од со “редовно доаѓање на состаноците“, речиси и воопшто не функционира.<br /> <br /> За најголемиот дел од тие редовни доаѓачи, присуствувањето на пчеларските состаноци што започнуваат со првиот четврток (или, порано беше, петок) во месецот ноември, траат цела зима и завршуваат некаде кој-знае дали во март или април, за тие мои колеги, доаѓањето на тие собири е главна зимска пчеларска активност.<br /> <br /> За нив е најважно да имаат доволно голема затоплена сала и пчеларско предавање на репертоарот.<br /> <br /> Без обзир што, ретки се оние колеги на кои не им се случило, барем еднаш, ако не секој пат, да задремат на тие предавања.<br /> <br /> Во овој период, месецот октомври, главно се намалени сите останати пчеларски активности, па така, “нервозата“ околу предавањата кај редовните “членови“ на скопското здружение почнува да расте - но, се разбира, во октомври, Матица не работи!<br /> <br /> Затоа малку беше чудно и предизвикувачки кога еден наш колега, преку интернет програмата фејсбук, ме информира дека за петок е закажано вонредно предавање.<br /> <br /> Мојот првичен информатор ми кажа дека некој романец, јак пчелар, ќе го држел предавањето, а кога го потпрашав за контекстот околу предавањето, т.е. како воопшто дошло до него, тој воопшто ништо не знаеше.<br /> <br /> Два дена пред петокот и колегата Бранко Тасевски, кој веројатно е актуелен претседател на кумановското здружение “Пчела“, на својот личен фејсбук профил објави: “Пчеларско здружение ПЧЕЛА од Куманово, на ден 25.10.2013г. (петок) во 14 часот организира предавање со следните теми: 1 начин на пчеларење во Романија и 2 прихранување на пчелните заедници. Предавачот е Дудау од Република Романија.“<br /> <br /> Подоцна, ден пред петокот, на <a href="https://www.facebook.com/groups/pcelarstvo.dodevski/" target="_blank">пчеларската фејсбук група од пчеларот Иван Додевски</a> беше објавена оваа информација:<br /> <blockquote class="tr_bq"> “Колеги пчелари и пчеларки на ден 25.10.2013 (петок) со почеток од 17:00 часот, во Стопанска комора на Македонија, ќе се одржи предавање од страна на предавачот Dudau од Република Романија.<br /> Теми на предавањето:<br /> 1. Начин на пчеларење во Романија.<br /> 2. Прихранување на пчелните семејства.<br /> Денес разговарав со претседателот на Здружението МАТИЦА од Скопје и ги поканува сите заинтересирани кои сакаат да присуствуваат на ова предавање, кои се членови на групата ДОДЕВСКИ.“</blockquote> И така, јас решив да направам големи тектонски промени во моите останати фамилијарни обврски за да си го одвојам времето потребно за мое присуство на предавањето.<br /> <br /> Откако ги однесов децата “на викенд со преспивање“ кај баба им во другиот дел од градот, најпосле, шетајќи како туриста покрај новите и за мене убави архитектонски и скулптурни зданија од “Скопје 2014“ јас пешки си дојдов во салата на Стопанската Комора на РМ.<br /> <br /> И...<br /> <br /> И она на што присуствував кога дојдов беше, беше ни малку замаскирана комерцијална презентација на сируп и погачи за прихрана на пчелите.<br /> <br /> И ништо повеќе!<br /> <br /> Романија?<br /> <br /> Пчеларењето во Романија?<br /> <br /> А да... Тоа беше делот од презентацијата каде еден романски пчелар, дел од маркетинг тимот, објасни на кои начини тие досега, во Романија успешно ги користеле сирупот и погачите!<br /> <br /> Поголем дел од времето беше оставен за поставување на прашања од присутните пчелари - а тоа време, се разбира, некои од дежурните поставувачи на прашања, го искористија - ако не за друго, барем да ги збунат “предавачите“.<br /> <br /> Јас си излегов од таму, да признаам, лут. Лут на пчеларот што ме информираше, лут на себе си што го повикав и мојот компањон-пријател, лут на претседателот на здружението, <b>лут на сите нас што немаме, сме загубиле тотално осет за да направиме разлика меѓу предавање и презентација.</b><br /> <br /> Од еден дел од презентацијата, од филмот што на видео-бимот одеше во позадина мене ми се разјасни контекстот на ова “предавање“.<br /> <br /> Група наши пчелари, очигледно, биле во Романија, во посета на мануфактурата која ги изработува производите, и оваа активност беше всушност возвраќање на “услугата“!<br /> <br /> Организаторите намерно го користеле терминот “<b>предавање</b>“ за да привлечат што е можно поголем број пчелари на презентациите организирани ист ден, во Куманово и во Скопје!<br /> <br /> И сега, кога ги пишувам овие редови, јас се уште сум лут.<br /> <br /> Лут сум на сите и се прашувам:<b> до кога?</b><br /> <br /> До кога раководствата на здруженијата толку мизерно ќе го вреднуваат времето на членовите?<br /> <br /> Или пак, дремката што ги фаќа една третина од присутните на предавањата, организирани пак од нив, сепак, им го дава тоа право?

Предавање Предавање или презентација?

Во изминатиот петок бев на еден настан организиран за пчеларите од страна на раководството на скопското пчеларско здружение. Тоа здружение...

Повеќе »

Зазимување на слабите нуклеуси (армоника-семејствата)

Прекрасна низа од сончеви денови во Скопје.<br /> <br /> Утринските ниски температури деновиве, споени со сонцето преку целиот ден, носат мошне убава комбинација на топлина и студ што ги замолчува и најголемите мрчатори на тема: времето деновиве...<br /> <br /> И во саботата, и во неделата (викенд) јас бев на пчеларникот во скопското поле. И двата дена не се брзав многу со поаѓањето. Нема зошто да се брзам, нема што да се прави, си мислев...<br /> <br /> Сепак, откога ќе пристигнев, и оние неколку часови што таму ги минував во работењето околу пчелите, ми беа токму доволни за да си помислам: уф, доста ми е за денес...<br /> <br /> Всушност, било кој сандак по кој што ќе посегнев, имаше нешто за поднаместување, одземање или додавање.<br /> <br /> Овие два дена, вчера и завчера, успеав да си ја реализирам намерата од порано, да го финиширам тестирањето на системот со задоцнети деленици.<br /> <br /> Во кратки црти, опишан, тој систем изгледа вака:<br /> <br /> Се прават трорамни нуклеуси/деленици кои пред тоа, во сезоната, служеле како оплодници (всушност, се работи за пчелите/рамките од последниот турнус на пролетни матици).<br /> <br /> По оплодувањето на матиците овие три трорамни нуклеуси се префрлуваат во стандардно тело (во мојот случај: Фарар 19 см. подница + поклопна итн.) и по можност, потоа се засилуваат со еден рам легло во излегување од развиени семејства.<br /> <br /> Летата на овие осамосталени семејства треба да си останат на истите страни како што биле дотогаш кога биле во еден заеднички троделен оплодник.<br /> <br /> <table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody> <tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEiWGz_Ahsd3-OW8ur5vloSa1mTV79RhXcdz3UbU4E52dK15E1d4oHGgb99_nnjNyEn_uDP5hs7KEmNnGGjVeWm6HcBxQHPUp3gMTpAt5J0kkUPebuaHNGH9ZKFX16o4sU0ilPc35y3sq34/s1600/%D0%A4%D0%BE%D1%82%D0%BE%D0%B3%D1%80%D0%B0%D1%84%D0%B8%D1%98a1.jpg" imageanchor="1" style="margin-left: auto; margin-right: auto;"><img border="0" height="300" src="https://blogger.googleusercontent.com/img/b/R29vZ2xl/AVvXsEiWGz_Ahsd3-OW8ur5vloSa1mTV79RhXcdz3UbU4E52dK15E1d4oHGgb99_nnjNyEn_uDP5hs7KEmNnGGjVeWm6HcBxQHPUp3gMTpAt5J0kkUPebuaHNGH9ZKFX16o4sU0ilPc35y3sq34/s400/%D0%A4%D0%BE%D1%82%D0%BE%D0%B3%D1%80%D0%B0%D1%84%D0%B8%D1%98a1.jpg" width="400" /></a></td></tr> <tr><td class="tr-caption" style="text-align: center;">Еден троделен екс-оплодник, “развиен“ во три одделни сандаци изгледа вака: лево и десно “гледаат“ семејствата од “приземјето“. Напред гледа семејството на спратот. (Поставеност пред да се врати почетната состојба)</td></tr> </tbody></table> <table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody> <tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEgfdHC0gkR40puxBwTuOJ0mP_AgMHcw-UB_WmkeKUlEC5dXSB8Gbralks01ZlnMRWz2LQfbWfzjgnojgNeRMhSRX8EkUu7p6t6zp2gyFTmUTD8__oMSFbObHnzIMraZb5mDbvkK-Esx7WM/s1600/%25D0%25A4%25D0%25BE%25D1%2582%25D0%25BE%25D0%25B3%25D1%2580%25D0%25B0%25D1%2584%25D0%25B8%25D1%2598a2.jpg" imageanchor="1" style="margin-left: auto; margin-right: auto;"><img border="0" height="480" src="https://blogger.googleusercontent.com/img/b/R29vZ2xl/AVvXsEgfdHC0gkR40puxBwTuOJ0mP_AgMHcw-UB_WmkeKUlEC5dXSB8Gbralks01ZlnMRWz2LQfbWfzjgnojgNeRMhSRX8EkUu7p6t6zp2gyFTmUTD8__oMSFbObHnzIMraZb5mDbvkK-Esx7WM/s640/%25D0%25A4%25D0%25BE%25D1%2582%25D0%25BE%25D0%25B3%25D1%2580%25D0%25B0%25D1%2584%25D0%25B8%25D1%2598a2.jpg" width="640" /></a></td></tr> <tr><td class="tr-caption" style="text-align: center;">Вака изгледаше овој троделен нуклеус откако го завршив префрлувањето на 3-те најдобри рамки (најмногу мед и добро изградено саќе и саќе со последно легло) од  секое одделно семејство. Понатаму со мали поместувања овој нуклеус може да се постави врз силно семејство.</td></tr> </tbody></table> <br /> Тие се развиваат колку што условите им дозволуваат без специјално стимулирање (читај: прихрана) и им се обезбедува или изградено саќе (ако пашата е слаба) или сотни основи.<br /> <br /> При крајот на летото или во почетокот на есента по потреба се прихрануваат со шеќерен сируп, колку што е финансиски можно/одржливо.<br /> <br /> И ете, во ова време од годината, тие недоразвиени пчелни семејства, што всушност не би можеле да издржат една посериозна зима, одново се враќаат/стискаат во претходната своја почетна поставеност: три трорамни нуклеуси во поделениот простор на едно стандардно тело.<br /> <br /> Освен затоплувањето што се добива со збивањето на пчелите на помал број рамки/простор, се добива затоплување и од страна, т.е. тие нуклеуси се затоплуваат едно со друго.<br /> <br /> Дополнително затоплување (одоздола) може да се обезбеди ако, како во мојот случај, подницата на тој троделен нуклеус е конструирана така што всушност може да функционира како поклопна даска за некое соседно нормално или силно пчелно семејство - врз кое постепено, со чести преместувања на куси растојанија, овој троделен нуклеус, најпосле и се поставува да презими.<br /> <br /> Некој што размислува прагматично би прашал: па зошто да се прави тоа префрлување, зошто да не се остават последните матици, т.е. тие троделни бивши оплодници да си развиваат и презимат како нуклеуси во истите тела, т.е. делови од тела?<br /> <br /> И јас ова прашање практично сум го проверил, па сум констатирал дека во тој тесен простор блокирањето на саќето со полен и нектар не дозволува создавање на доволен број зимски пчели за успешно презимување.<br /> <br /> Но, со други типови на сандаци, каде рамките се повисоки, на пример како кај ДБ, можно е презимувањето да биде далеку поуспешно, отколку со Фарар, и можеби при работата со нив, префрлувањето на пчелите од овие троделни оплодници не би било неопходно?<br /> <br /> Сега-за-сега, после овој викенд јас за презимување на овој пчеларник имам три вака оформени троделни нуклеуси.<br /> <br /> Сега останува да ја видиме каква ќе биде претстојната зима и како во тие конкретни услови ќе се однесуваат овие армоника-семејства наспроти нивните браќа и сестри (кои ги има исто така во доволен број) што ќе презимат самостојно.

Троделни нуклеуси Зазимување на слабите нуклеуси (армоника-семејствата)

Прекрасна низа од сончеви денови во Скопје. Утринските ниски температури деновиве, споени со сонцето преку целиот ден, носат мошне убава к...

Повеќе »

Во Македонија ветеринарите им наплатуваат рекет на пчеларите во име на Владата (државата)

Денес навистина утрото ми го расипаа вестите што ми пристигнаа од повеќемина мои пријатели-колеги.<br /> <br /> Вестите се мошне поразителни... Барем за овие вториве на кои јас им припаѓам. <b>Оние што сметаат дека парите што се наменети за субвенции во пчеларството им припаѓаат на пчеларите.</b><br /> <br /> (Оние наши колеги, првите, што сметаат дека парите од субвенциите се државни и дека “партнерски“ може да се поделат со сите што на некој начин се вклучени во играта - не се воопшто потресени од оваа ситуација!)<br /> <br /> Според новите законски обврски регистрираните пчелари треба да прават попис и да пријавуваат колку живи пчелни семејства имаат, два пати во годината: еднаш на 15 октомври (зазимени) а вториот пат, на 1-ви април (презимени).<br /> <br /> Деновиве, дел од овие ветеринари на кои тие мои пријатели им се обратиле, за во регистерот на пчеларници тие да им ја заведат бројката на нивни попишани зазимени пчелни семејства, значи, дел од овие ветеринари, им побарале и дури примиле пари во висина од едно евро по презимено пчелно семејство (бројката на пч. семејства што била пријавена на пролетниот попис).<br /> <br /> Сите овие ветеринари пријавувањето го поврзувале со добивањето на субвенциите.<br /> <br /> Како изгледа тоа?<br /> <br /> Па вака:<br /> <br /> 1. За 100 евра ризикуваш да загубиш 1000! Или...<br /> <br /> 2. Ако не платиш, нема да ти биде заведена бројната состојба во регистерот! Или...<br /> <br /> 3. Мора да имаш потврда дека си платил/ла кога ќе поднесуваш барање за субвенција!<br /> <br /> При тоа, некои од нив, ако намирисаат дека “клиентот-пчелар“ е симпатизер на опозицијата, му велат дека парите ќе одат на сметка на владата...<br /> <br /> <b>Жално, мошне е жално што толку голем број ветеринари се приклучија на мафијашкото пљачкосување - секоја нивна средба со пчеларите - овие болно да ја осетат по својот џеб!</b><br /> <br /> Нивната ко-бајаги игнораниција, и убеденост дека 1) Програмата за здравствена заштита на животните, т.е. <a href="http://www.fva.gov.mk/images/stories/2013_10-Nredbagodiszazdravzastziv.pdf" target="_blank">Годишната наредба за здравствена заштита на животните во 2013 година</a>, потоа 2) <a href="http://www.igu.gov.mk/files/pdf/Min_za_zemjodelstvo/zakoni/Identifikacija_i_registracija_na_zivotnite.pdf" target="_blank">Законот за идентификација и регистрација на животните</a>, и најпосле 3) <a href="http://ipardpa.gov.mk/Root/mak/DP_programa_2013_mak.asp" target="_blank">Програмата за субвенциите за земјоделството</a> се <b>едно-те-исто</b> - може само наивните да ги подлажува.<br /> <br /> <b>Ветеринариве крадат туѓи пари</b> - без срам! Тие тоа добро го знаат - затоа што апсолутно ништо не сториле/заслужиле да ги добијат тие пари!<br /> <br /> Арамии се, а уште некои од нив бесрамно бараат и пчеларите да им бидат соучесници - да им го прикријат арамилакот! <b>Срам да им е!</b><br /> <br /> Замислете, некои од нив се дрзнале до тој степен, што им предлагаат на пчеларите, на своите клиенти, да потпишат изјави во кои тие ќе потврдат дека ним не им дозволиле да извршат прегледи на пчелните семејства на болеста Американска гнилеж - за да си ги оправдаат парите што ги побарале и добиле од пчеларите (за тие несторени прегледи - безмалку едно евро по пчелно семејство) - а за да ги добијат, ги уцениле со незаведување во регистарот (што понатаму ќе води до недобивање субвенции!)<br /> <br /> А вистината за плаќањата, субвенциите, и регистрацијата на пчелните семејства е следна:<br /> <br /> Ветеринарите не ги пребројуваат пчелните семејства туку тоа го прават самите пчелари.<br /> <br /> Бројната состојба треба да се пријави од 15-ти до 31-ви октомври за зазимените пчелни семејства, и од 1-ви до 15-ти април за презимените пч. семејства на ветеринар кој треба да даде примерок од пописниот формулар.<br /> <br /> За заведување на бројната состојба на пчелните семејства во 2013 пчеларот не треба да плати ниту еден денар.<br /> <br /> За прегледување на пчелните семејства на болеста Американска гнилеж во 2013 (како и во 2012) пчеларите не треба да платат ниту денар - ако пчелните семејства (поединечно) не се прегледани - а сега времето за прегледување веќе е изминато!<br /> <br /> За таблички за пчеларници пчеларите не треба да платат ниту денар.<br /> <br /> За поднесување на барање за субвенции во 2014 ќе биде меродавна бројката на живи пчелни семејства што била попишана и заведена во регистерот во април. Барањата за субвенции ќе можат да се поднесуваат до кој-знае-кога (годинава рокот го продолжија се до овие денови) но бројката на пчелни семејства за кои ќе се бара субвенција, не може да биде поголема од онаа што била заведена во регистерот во април.<br /> <br /> Мој совет, почитувани колеги ви е: не плаќајте ништо!<br /> <br /> Ако веќе сте платиле - барајте (со сите средства и начини) парите да ви се вратат!<br /> <br /> П.С. Сите оние колеги кои платиле некакви пари при заведување на бројната состојба на пчелните семејства а парите не им се вратени, и имаат решителност да потпишат тужбено барање, нека ми се јават на мојата е-пошта (melitagora@yahoo.com) и во пораката да си го напишат името, презимето и информациите за контакт (телефони, адреса).<br /> <br /> П.П.С. Сите оние читатели кои се адвокати и имаат желба/мотивација “про-боно“ да ги застапуваат оштетените пчелари во тужбено барање пред судовите, нека ми се јават исто така на мојата адреса.<br /> <br />

Во Македонија ветеринарите им наплатуваат рекет на пчеларите во име на Владата (државата)

Денес навистина утрото ми го расипаа вестите што ми пристигнаа од повеќемина мои пријатели-колеги. Вестите се мошне поразителни... Барем з...

Повеќе »